Por J. Gabriel Anaya, socio do CD Lugo
Para quien aspire al primer puesto no es indecoroso quedarse en el segundo o tercer puesto.
Cicerón
Ante a pasión polo fútbol habería que explicar algunhas cousas. Especialmente cando o fútbol nos gusta e, de feito, somos socios dun equipo: o CD Lugo.
¿Ten algo que ver a violencia co fútbol? Sería moi fácil, sen dubida, sinalar que non, que é produto duns grupos incontrolados que serían igual en calquera outro lugar. Sen embargo, e aos feitos remítome, resulta que noutros ámbitos da vida non existe tal violencia como nos partidos de fútbol. Polo tanto, é indudable a tenor dos feitos, o fútbol garda relación con esa violencia.
Pero, dicir que o fútbol garda relación coa violencia é igual a non dicir nada. Porque do que se trata agora é, non so de sinalar, senón de explicar que relación garda o fútbol coa violencia que se xera arredor del.
Os afeccionados nos transformamos cando acudimos a un estadio:
- A persoa máis tranquila convértese nun energúmeno ante as decisións que un xuíz toma en contra do seu equipo, perdemos totalmente a obxectividade e cremos estar en posesión da verdade, aínda que non sempre sexa certo.
- Vemos xogadas que no campo contrario non veríamos ou seriamos capaces de explicar de forma razoada.
- Sempre estamos convencidos de que hai unha confabulación contra o noso equipo e, sobre todo, a defendemos.
- Vivimos unha realidade paralela.
Dito todo isto, eu como afeccionado creo que nas altas instancias federativas están convencidas que nunca pasará nada e seguen nas súas trece. Pero os sinais indican todo o contrario, simplemente basta con recordar o acontecido este fin de semana en diferentes ligas Europeas,
- En Lens onde os afeccionados intentaron agredir aos xogadores do seu equipo
- En Salónica onde o presidente parecía máis un mafioso que un dirixente,
- En Londres onde os propietarios do West Ham deixaron o London Stadium este sábado en pleno partido, a raíz dos incidentes desatados sobre o céspede e nas tribunas durante a derrota do seu equipo.
- …
Se a quen corresponde non toma decisións convincentes, a violencia no fútbol será unha constante e volverase insostible.
“Eu acúsome a min mesmo”
Foto principal: un seareiro do West Ham cunha bandeirola de córner o pasado fin de semana | Fonte: Reuters.